Hukumar gudanarwar Kwalejojin Aikin Jinya, na Jihar Kano, na sanar da dukkannin Ɗaliban da su ka nemi makarantun Ayyukan Jiyya Da Unguzoma (Nursing & Midwifery), da ke Kano, Ɗambatta, da ma Gwarzo, a kakar karatu ta 2023/2024 cewar, za a gudanar da jarrabawar tantancewa, ta hanyar na’ura maiƙwaƙwalwa (CBT), a ranakun Laraba 17 ga watan Mayu, zuwa Juma’a 19 ga watan na Mayu, a Cibiyar jarrabawar na’ura mai ƙwaƙwalwa, da ke Kwalejin a Kano (College Computer Centre, Kano).
Saboda haka, ana buƙatar dukkannin Ɗaliban da su ka nemi waɗannan makarantu, da su halarci Cibiyar a waɗannan ranaku, ɗauke da Acknowledgement Slips ɗinsu, da ma shaidar biyan kuɗi (Evidence Of Payment).
