Fitaccen Mawaƙin nahiyar Afirka, ɗan asalin Najeriya, David Adeleke, da aka fi sani da Davido, ya samu halartar zaman Majalissar jihar Georgia, ta ƙasar Amurka inda aka bayyana shi a matsayin ɗan ƙasar.
Mawaƙin shi ne ya bayyana haka, ta shafinsa na Instagram, a ranar Juma’a.
Inda ya wallafa cewar, “Da safiyar nan, na sai halartar zaman gamayyar Majalissun tarayya, da na Dattijai, a jihar Georgia, inda aka bayyana ni a matsayin ‘ɗan ƙasa’… Ubangiji shi ne abin godiya”.
Hakan dai, wata dama ce da al’ummar ƙasashe da dama ke amfana, ta zama fiye da ƴan ƙasa ɗaya (Dual Citizenship).
