Hukumar kashe gobara ta jihar Kano, ta bayyana yadda ta samu nasarar tseratar da rayuka 25, tare da dukiyoyi na sama da Naira miliyan 95, a cikin gobara 70 da ta tashi, a watan Janairun da ya gabata.
Bayanin hakan na ɗauke ne, ta cikin wani jawabi da Kakakin hukumar, Saminu Abdullahi, ya fitar, a ranar Talata.
Abdullahi, ya kuma ce, mutane biyu sun rasa rayukansu, ya yin da aka rasa dukiyar Naira miliyan 40, a tashe-tashen gobarar.
“Mun amsa kiraye-kirayen neman agaji guda tara, mun kuma samu kiran ƙarya guda 11”, a cewarsa.
Inda a ƙarshe ya ƙara da shawatar jama’ar jihar, da su kasance masu kaffa-kaffa a ya yin da su ke amfani da wuta, musammanma a wannan yanayi da ake ciki na sanyi.
